Back ريتشارد ويتز ARZ Richard Wetz Danish Richard Wetz German Richard Wetz English Richard Wetz Spanish Richard Wetz French Richard Wetz Italian リヒャルト・ヴェッツ Japanese Richard Wetz Dutch Richard Wetz Polish
| Richard Wetz | |
|---|---|
| |
| Persona informo | |
| Naskiĝo | 26-an de februaro 1875 en Gliwice |
| Morto | 16-an de januaro 1935 (59-jaraĝa) en Erfurto |
| Lingvoj | germana |
| Ŝtataneco | Germanio 
|
| Okupo | |
| Okupo | komponisto universitata instruisto muzikinstruisto dirigento verkisto
|
Richard WETZ (n. 26-an de februaro 1875 en Gleiwitz (Silezio); m. 16-an de januaro 1935 en Erfurto) estis germana komponisto, dirigento, muzikpedagogo kaj muzikverkisto. Lia kompona verkaro apartenas al la germana malfru-romantismo. Kiel instruisto li precipe influis la turingan muzikhistorion.
En 1897 Wetz ekstudis muzikon en Lepsiko ĉe la tiea konservatorio, sed ĉesis la studon, por studi filozofion, psikologion kaj literatursciencon. Nur en 1899 li translokiĝis al Munkeno, por reekpreni la muzikstudadon. Post stacioj en Stralsund, Barmen kaj denove en Lepsiko li daŭre setlis en Erfurto, kie li loĝis ĝis la fino de sia vivo. Tie li direktis ekde 1906 la Muzik-Asocion kaj instruis ĉe la Turingia Landa Konservatorio. En 1933, post la potencakiro de la nazioj Wetz aniĝis la NSDAP.
La kompona verkaro ampleksas preskaŭ 60 numeritajn verkojn. Wetz komponis 3 operojn, 11 ĥorverkojn, 5 orkestrokomponaĵojn, ĉambromuzikon, orgeno- kaj pianopecojn kaj lidojn. Liaj modeluloj estis Anton Bruckner, Franz Liszt kaj Ludwig van Beethoven. Li komponis laŭ malfruromantika stilo kaj orientiĝas je la tradicioj de la 19-a jarcento, kiujn li tamen volis pluevoluigi memstare. Li estis la plej grava komponisto en Turingio dum la du militoj. Li estis elstarega instruista personulo ĉe la Franz-Listz-altlernejo en Weimar.
Post la dua mondmilito lia verkaro eniris la forgeson, unue ĉar Wetz restis en la provinco kaj flegis ne popularan stilon, sed due ĉar li estis nazio dum la Tria Regno.